YSKyê encamên teqez ên hilbijartinê eşkere kir

Lijneya Hilbijartinê ya Bilind encamên teqez ên hilbijartinên Şaredariya Mezin a Stenbolê, Kesmetepeya bajaroka Adiyamanê, Yusufeliya Artvînê, Honaza Denizliyê û Keskîna Kirikkaleyê yên hatibûn dubarekirin, eşkere kir

YSKyê encamên teqez ên hilbijartinê eşkere kir

Lijneya Hilbijartinê ya Bilind (YSK) encamên teqez ên hilbijartinên Şaredariya Mezin a Stenbolê, Kesmetepeya bajaroka Adiyamanê, Yusufeliya Artvînê, Honaza Denizliyê û Keskîna Kirikkaleyê yên hatibûn dubarekirin, eşkere kir.

Biryara LHByê di Rojnameya Fermî da hat weşandin.

Di biryarê da hat gotin di hilbijartinên Şaredariya Mezin a Stenbolê yên di 23yê Hezîranê da hatibûn dubarekirin da ji 10 milyon û 560 hezar û 963 hilbijêran jê 8 milyon û 925 hezar û 166 kesan ray dan.

Ji van rayan jê 8 milyon û 746 hezar û 566 hatin qebûlkirin.

Ekrem Îmamogluyê namzedê Şaredariya Mezin a Stenbolê yê CHPyê 4 milyon û 742 hezar û 82, Bînalî Yildirimê namzedê AK Partiyê jî 3 milyon û 936 hezar û 68 ray hilda.

Rêjeya rayên ku Îmamoglu hilda ji sedî 54,22, yên Yildirim jî ji sedî 45 e.

Di hilbijartinên Stenbolê da Partiya Saadetê 47 hezar û 832, Partiya Vatanê 13 hezar û 962 û namzedên xweser jî 6 hezar û 622 ray hildan.

Encamên hilbijartinên Kesmetepeya bajaroka Adiyamanê, Yusufeliya Artvînê, Honaza Denizliyê û Keskîna Kirikkaleyê yên di 2yê hezîranê da hatibûn dubarekirin jî bi awayekî giştî di Rojnameya Fermî da hatin weşandin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE