14 saetan di bin kavilan de man

Li Taxên Mustafa Paşa, Meden û Sürsürüyê 8 kes hatin xelaskirin

14 saetan di bin kavilan de man

Piştî erdheja Elezîzê li pey hev xeberên xweş hatin. Li taxa Mustafa Paşayê piştî 14 saetan 3 kes ji binê avahiyeke hilweşiyayî hatin derxistin. Her wiha ji Taxa Sürsürü û ya gezinê jî xeberên xelaskirinê hatin.

Piştî erdheja Elezîzê tîmên lêgerîn û xelaskirinê xebatên xwe bê navber didomînin.

Li Taxa Mustafa Paşa ya li navenda bajêr piştî 14 saetan ji binê kavilên avahiyeke 5 qetî 3 kes bi saxî hatin derxistin.

Piştî 13 saetan li heman herêmê kesek bi saxî hat xelaskirin.

Di xebatên lêgerîn û xelaskirinê de bi tevahî 6 kes bi saxî hatin xelaskirin û hatin birin nexweşxaneyê.

Piştî 11 saetan ji binê avahiyeke 6 qetî ya li Gezina girêdayî Madenê kesek bi saxî hat xelaskirin.

Birîndar hat birin Nexweşxaneya Bajêr a Fethi Sekin.

Li Taxa Sürsürüyê jî zarokekî 13 salî piştî 5 saet û nîvan ji binê kavilan hat derxistin.

Bi vî awayî hejmara yên bi saxî ji binê kavilan hatine derxistin bû 8.

Dîroka nûkirinê: 25 Çile 2020, 17:38
Şîrove Bike
NÛÇEYA DI RÊZÊ DE