50 hezar avahî dê ji nû ve bên çêkirin

Wezîr Kurum: Em haziriya veguherîneke dilxwaz dikin...

50 hezar avahî dê ji nû ve bên çêkirin

Ji bo Stenbolê plana veguherîna 50 hezar bînayan tê kirin. Wezîrê Hawirdor û Bajarvaniyê Murat Kurum got ku plana bilez wê bê eşkerekirin. Wezîr Kurum diyar kir ku di planê de wê mafê fesihkirina yekalî bidin xwediyê milk û fîrmayan.

Wezîr Kurum: Em ê ji bo tevahiya Stenbolê plana şixûl diyar bikin. Di nav vê plana me de wê veguherîna 50 hezar avahiyî jî hebe. Em ê van bînayan bi destê TOKİ’yê ava bikin.

Hin ji wan hilweşiyan..

Hinek jî ji ber rîskê hatin valakirin û mohrkirin...

Li Stenbolê bi plana xebatê ya lezgîn wê rê li ber zerara avahiyên kevn bê girtin.

Hûrgiliyên planê Wezîrê Hawirdor û Bajarvaniyê Murat Kurum eşkere kirin.

Wezîr Kurum çû ser înşeata avahiyên ku li Kartalê hilweşiyan, li wir xeber da.

TOKİ wê li Stenbolê 50 hezar avahî xira ke û ji nû ve çêke.

Veguherîn wê bi dilwazî bê çêkirin û înşeata hemû avahiyan wê di heman demê dest pê bike.

Wezîr Kurum: Em ê heqê fesihkirinê yê yekalî bidin welatiyên xwe û fîrmayan.

Ev merhelaya planê jî dê bibe çareya safîkirina pirsgirêkên di navbera xwediyê milk û fîrmayan de.

Wezîr Kurum: Di vê verastkirinê de welatiyên me wê bi mutahîdekî re li hev bikin. Ger mutahîd wezîfeya xwe neke û wext li ser bikeve wê xwediyê milk wî hişyar bike. Bi tespîtên wezaretê ew ê dest ji peymanê bikşîne.

Bi mafê fesihkirina yekalî wê him heqê xwediyê milk, him jî wê heqê fîrmayan bê parastin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE