72 hezar hecacên ji Tirkiyeyê li erdên pîroz in

Bi milyonan Misliman ji çar aliyên dinyayê ji bo hecê xwe bikin berî xwe didin erdên pîroz

72 hezar hecacên ji Tirkiyeyê li erdên pîroz in

Bi milyonan Mislimanên ziman, reng, netewe û miletê wan cuda ji bo hecê xwe bikin berî xwe didin erdên pîroz.

Di çarçoveya "Organîzasyona Hec a Serokatiya Karûbarên Diyanetê ya 2019an" da îsal 80 hezar hecacên ji Tirkiyeyê ew ê li Erefatê weqfeya xwe bikin.

Muhammed Zeyd Ozelê Serokê Îskan û Kordinasyona Medîneyê ya Serokatiya Karûbarên Diyanetê diyar kir ku qefleya ewil a hecacên ji Tirkiyeyê di 5ê tîrmeha 2019an da hatin Medîneyê û wiha pê da çû: "Îsal hikûmeta Erebistana Siûdî bi qasî 80 hezarî kontenjana hec da Tirkiyeyê. Ji sedî 60 hecacan bi organîzasyona Serokatiya Karûbarên Diyanetê yên din jî bi acentayên taybet ew ê werin erdê pîroz ku hecê xwe bikin."

Ozel destnîşan kir ku sezona hec nêz bû ji ber vê piraniya hecacan dihîştin Mekkeyê, ji 30yê tîrmeha 2019an pê va 5 hezar û 403 hecacên bi organîzasyona Diyanetê hecê xwe dikin ew ê derbasî Mekkeyê bibin. 

Ozelê Serokê Îskan û Kordinasyona Medîneyê ya Serokatiya Karûbarên Diyanetê diyar kir ku ji 30yê tîrmeha 2019an pê va 72 hezar hecacên ji Tirkiyeyê hene û hecacên din jî ew ê di nav 3 rojên pêşiya me da bigihîjin erdên pîroz.

Dîroka nûkirinê: 31 Tîrmeh 2019, 17:49
Şîrove Bike
NÛÇEYA DI RÊZÊ DE