Barana gur û bahoz li herêma Rojhilatê bûn sedema ziyanê

Li Muş, Hakkari, Van û Bitlisê bajarên herêma Rojhilatê ji ber barana zêde û bahozê banên hin xaniyan firîn û di qada çûn û hatinê da zehmetî çêbû.

Barana gur û bahoz li herêma Rojhilatê bûn sedema ziyanê

Li Muş, Hakkari, Van û Bitlisê bajarên herêma Rojhilatê ji ber barana zêde û bahozê banên hin xaniyan firîn û di qada çûn û hatinê da zehmetî çêbû.

Li Vanê barana ku ev du roje car caran dibare çawa ku vekir ba rabû û bi xwe ra bahoz anî.

Ji ber bayê zêde dihat lewheyên hesin ên bi dîwarên navendeke danûsitendinê va bûn ketin û li hin navçeyan jî banên hin xaniyan zirar dîtin.

- Muş

Li Muşê jî ji ber bahoza ji duh va bi tesîre banên hin avahiyan firiyan û bi ser wesayîtan da ketin.

Ekîbên AFAD û tîma agirkujiyê ji bo tespîtkirina zirar û ziyanê xebitîn.

Gokaya Bozkurtê wesayîta wî zirar dît daxuyanî da nûçegihanê AAyê û got ku seranserê şevê ba hebû û wiha domand: "Bi şev di saet 3.30yî da dengekî zêde hat. Çawa deng hat ez bazdam şaneşînê û ez çi bibînim. Banê xanî ketiye ser wesayîta min."

- Bitlis

Li Bitlisê jî ji ber bayê zêde bi tesîr bû banên hin avahiyan firiyan.

Li bajêr tiştek bi kesî nebû û ekîbên tîma agirkujiyê bermayiyên ji banên xaniyan da ketibûn ser kuçe û kolanên bajêr, paqij kirin.

Polêsan jî ji welatî û şofêran xwestin ku bila bi baldar bin.

- Hakkari

Li Hekariyê jî ji ber barana zêde di qada trafîkê da zehmetî çêbûn.

Li texma gundê Yaylapinarê avê di ser çem ra avêt û rêya Şemzînan-Derecikê ji çûn û hatinê ra hat girtin.

Li nêzî gundê Durakê jî qismekî rêya Yuksekova-Şemzînanê ji ber barana zêde pelişî.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE