Bîrên di hewzeyê da tên vekirin ava Gola Arînê kêm dikin

Ava Gola Arînê ya li Bidlîsê ku dereke avî ye û li ser xwe tevlî çûkan gelek nebat û rewilan dihewîne ji ber guherîna avhewa û bîrên di hewzeyê da tên vekirin her diçe kêm dibe.

Bîrên di hewzeyê da tên vekirin ava Gola Arînê kêm dikin

 Li Adilcewaza navçeya Bidlîsê qada avî ya Gola Arînê ku li ser xwe tevlî çûkan gelek nebat û rewilan dihewîne ji ber guherîna avhewa û bîrên di hewzeyê da tên vekirin ber bi talûkeyê va diçe. Lewra ava golê ji ber nezanî û xelet avdanê her diçe kêm dibe.

Gola Arînê ya ava wê şor e û li berpalê Çiyayê Sîpanê ye li herêmê ji deverên avî yek e û nêzî Gola Wanê ye jî.

Qada gol lê ye ji 13 hezar kîlometreqereyî pêk tê û ava di golê da ji ber bîrên li der û dorê tên vekirin her diçe kêm dibe.

Bîrên awayek nezanî tên vekirin û pê zevî tên avdan dibin sedema kêmbûna avê û ev kêmasî gorî salên borî êdî bi çavan jî tê dîtin.

Rektorê Zanîngeha Bidlîs Erenê Prof. Dr. Necmettîn Elmastaş ku pisporiya wî erdnîgariye daxuyanî da û got ku di salên borî da li hewzeya Gola Wanê hişkayiyeke mezin ya bi çavan tê dîtin heye.

Elmastaş bal kişand ser rewşa Gola Arînê ya li Adilcewazê ye û got: Piraniya ava wê vekişiyaye. Gol bi avên ji der û dorê bi helîna berfê û barîna baranê va tijî dibin. Ji ber dibe hilmûgulm ava di golê da kêm bû. Ji sedemên kêmbûnê yek jî avdana zeviyan e ku bi nezanî tê kirin. Bîr tên vekirin û di xebateke çend sal berê da me tespît kir ku li Xelatê nêzî 600 bîr di nav zeviyan da hatine vekirin. Ji ber vê jî ava golê pir kêm bû û ji ber ku ji bîran av tê kişandin ev jî tesîreke neyînî li ser golê dike."AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE