"Careke din hat tespîtkirin ku YPG/PKK di şer de zarokan bi kar tîne"

Rapora Mala Çavdêriyê ya Mafên Mirovan a Navneteweyî carek din nîşan da ku YPG/PKKdi şer de zarokan bi kar tîne

"Careke din hat tespîtkirin ku YPG/PKK di şer de zarokan bi kar tîne"

Rapora Mala Çavdêriyê ya Mafên Mirovan a Navneteweyî wek ku gelek caran tîne ziman, careke din jî nîşan da ku YPG/PKKyê di Operasyona Çiqlê Zeytûnê ya Tirkiyeyê de di şer de zarok bi kar anine.

Hêzên ewlehiyê daxuyandin rapora saziyê nîşan dide ku rêxistina terorê li hundirê welêt û dervayî welêt xêza xwe kêm kiriye, nikare ji xwe ra endaman bibîne, ji ber vê jî zarokan di şer de bi kar tîne û hewl dide aramiya welêt û malbatan xirab bike.

Di Operasyona Çiqlê Zeytûnê ya li Efrînê de Tirkiyeyê gelek caran tespît kiribû ku YPG/PKK zarokan bi zorê ji malbatên wan diqetîne û wan dixe nav şer. Rapora Mala Çavdêriyê ya Mafên Mirovan a Navneteweyî jî carek din nîşan da ku tespîta Tirkiyeyê rast e.

- Zarok û derguş hedef tên girtin

Rêxistina terorê zarokên divê destê wan qelemê bigre dibe çiyê, keleşan dide destê wan û perwerdeya şer dide zarokan.

Ji bilî vê rêxistin zarokan hedef digre û dikûje.

Li Yuksekovaya navçeya Hekariyê kuştina derguşê bi navê Bedirhan Mustafa û diya wî jî nîşan dide ku rêxistina terorê nabêje jin û zarok, sivîlan dikuje.

- Rapora Mala Çavdêriyê ya Mafên Mirovan a Navneteweyî

Mala Çavdêriyê ya Mafên Mirovan a Navneteweyî di 3yê tebaxê de raporek weşand.

Di raporê de hat gotin divê rêxistin dest ji ser zarokan bikşîne û wan nexe nav refên xwe.

Bal li ser zarokên temenê wan ji 18 salî biçûktir hat kişandin û hat gotin yên van biçûktir li gor qanûna navneteweyî nikarin bikevin bin destê rêxistinan û çekan hildin destê xwe.

Hat gotin rêxistin zarokan ji malbatên wan diqetîne, malbat aqûbeta zarokên xwe nizanin.

Di raporê de wiha hat gotin: "Amerîkaya ku piştgiriyê dide rêxistinê divê li ser rêxistinê zextê bike ku ew zarokan bi kar neynin."

Di raporê de hevpeyvînên ku bi zarokên hatine revandin û malbatên wan re hatine kirin jî cih digrin.

 


AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE