Darên zirar dîtine dê werin firotin

Li Sarîqamîşa navçeya Qersê ya li Tirkiyeyê ji bo turîzma zivistanê tê tercihkirin darên zivistanê ji ber berf û bagerê dişkên bi destê gundiyan û wezifedarên daristanê tevkariyê didin aboriya welêt

Darên zirar dîtine dê werin firotin

Li Sarîqamîşa navçeya Qersê ya li Tirkiyeyê ji bo turîzma zivistanê tê tercihkirin darên ku zivistanê ji ber berf û bagerê dişkên bi destê gundiyan û wezifedarên daristanê tevkariyê didin aboriya welêt.

Zivistanê Navenda Xweşiqitandinê ya Cibiltepeyê xizmetê dide turîstên xwecî û biyanî, dora navenda bi darên çamê hatiye pêçan. Zivistanê ji ber berf û bagerê hin dar dişkên di ser hin ciyan da dikevin. Wezifedarên Midûriyeta Xebitandina Daristanan a Sarîqamîşê ji bo tesbîtkirina darên şikestî xebat dan destpêkirin.

Wezifedar li Newala Kewan, Acisu, Aşît, Çemê Gomê, Qizil, Himamlî, Qereqirut û Xandereyê darên zirar dîtine tesbît dikin.

Ji bo ku darên şikestine nerizin û zirarê nedin darên din gundî wan daran qasî 3 û 6 mêtreyan dibirin amade dikin û paşê dibin depoya firotinê ya Xebitandina Daristanan. 

Darên li vê derê tên komkirin ew ê bi îhaleyê werin firotin.

- Berf û bagerê îsal zêde zirar da

Omer Abakê Midûrê Xebitandina Daristanan a Sarîqamîşê daxuyanî da nûçegihanê AAyê û diyar kir ku ji ber berfa giran û bayê gurr dar dişkên.

Abak destnîşan kir ku îsal li navçeyê berf zêde barî û wiha pê da çû: "Li gor salên din îsal berf zêde barî û bager rabû, ji ber vê jî dar zêde şikestin. Em ê di dema herî kin da darên şikestine ji bo aboriya welêt binirxînin û daristana xwe paqij bikin. Hê li hin ciyan berf neheliyaye me darên li wê derê tesbît nekirine. Em ê darên li wê derê jî tesbît bikin."

AA

Dîroka nûkirinê: 23 Gulan 2019, 17:24
Şîrove Bike
NÛÇEYA DI RÊZÊ DE