Daxuyaniya li ser "korîdora dexl û den"

Wezîr Akar: Ji bo ku em ji "korîdora dexl û den" encameke erênî hildin, çi ji destê me tê, em dikin

Daxuyaniya li ser "korîdora dexl û den"

Wezîrê Parastina Neteweyî Hulusî Akar piştî civîna çapemeniyê ya Serokomar Recep Tayyîp Erdogan û Serokomarê Somaliyê Hesen Şêx Mehmûd, pirsa rojnamegeran a li ser "korîdora dexl û den" bersivand.

Di mijara ji lîmanên Ukraynayê texliyekirina keştiyên ku dexl û den lê hatine barkirin da ji Wezîr Akar hat pirsîn ku rewşa dawîn a hevdîtinên ser "korîdora dexl û den" çiye. Akar diyar kir ku Serokomar Erdogan ji bo çareserkirina "krîza xida" xebatên dîplomatîk meşandin û di çarçoveya xebat û dîrektîfên Erdogan da wan hevdîtin kirin û ev hevdîtin erênî derbas bûn.

Akar daxuyand ku  aliyên teknîkî, di seyr û seferên behrê da aliyên ewlehiyê hene, ji bo vê ew bi Ukrayna, Rûsya û Neteweyên Yekbûyî ra di nava kordînasyonê da ne û wiha dewam kir, "Em bi wezaretên têkildar û saziyan ra xebatên xwe didomînin. Di demeke nêz da ji bo ku em encameke erênî bi dest bixin, çi ji destê me tê, em dikin."AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE