Dayikên Diyarbekirê bi biryarî nobeta ewladan didomînin

"Ne 6 sal, 600 sal jî derbas bibe, ez ê şopa ewladê xwe bernedim."

Dayikên Diyarbekirê bi biryarî nobeta ewladan didomînin

 Dayikên Diyarbekirê nobeta ewladan a ku ji bo zarokên xwe yên revandine serê çiyê li ber derê avahiya Serokatiya Bajêr a HDPyê dikin bi biryarî didomînin.

Dayikên ku ji revandina serê çiyê ya zarokên xwe HDPyê wek berpirsyar dibînin, ji 3yê Îlona 2019ê vir va çalakiya rûniştinê dikin û çalakiya wan di roja 626emîn da dewam dike.

Dayik Aydan Arslana ji bo qîza xwe Aysunê çalakiyê dike got HDPyê qîza wê şandiye çiyê û wiha axivî: "7 sal evê êşê bi min didin kişandin. Bila êdî ev hesret dawî bibe. Hezar sal jî derbas bibe ezê li ber HDPyê neçim. Qîza min heke tu min dibînî û dibîhîzî were. 25 ewladên me hatin, teslîmî hêzên ewlehiyê bûn. Gihîştin dê û bavên xwe, tu jî were qîza min, teslîmî hêzên ewlehiyê bibe."

Bav Şevket Bîngol jî got kurê wî 6 sal berê ji hêla HDPyiyan va hatiye xapandin û ew birine çiyê.

Bîngol got malbat bi tenê dixwazin bigihêjin zarokên xwe û wiha dewam kir: "Ne 6 sal, 600 sal jî derbas bibe, ez ê şopa ewladê xwe bernedim. Heta ez ewladê xwe ji HDPyê hilnedim, ez ê ji vir neçim."

Bîngol bangî kurê xwe kir ku ew teslîmî hêzên ewlehiyê bibe.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE