"Em dibêjin ku wek dewlet û gel em şerekî din yê îstiqlalê didin"

Serokomarê Turkiyeyê Recep Tayyîp Erdogan: "Polîtîkayên Turkiyeyê yên Sûriye û Libyayê ne macera ye û ne jî terciheke kêfî ye."

"Em dibêjin ku wek dewlet û gel em şerekî din yê îstiqlalê didin"

Serokomarê Turkiyeyê Recep Tayyîp Erdogan: "Polîtîkayên Turkiyeyê yên Sûriye û Libyayê ne macera ye û ne jî terciheke kêfî ye."

Erdogan li Menemen Gîşelerê di Merasima Vekirinê ya Rêya Menemen-Alîaga-Çandarliyê da axivî.

Serokomar Erdogan di axaftina xwe da diyar kir li welatê wan tu bûyereke ku piştî Geziyê qewimî be bi awayekî tebiî derneketiye û got ku di bingeha hemûyan da dafik û senaryoyek heye.

Erdogan destnîşan kir her dem bi berhemên xwe axivîne û wiha got: "Înşellah em ê ji niha û pê da jî bi berhemên xwe biaxivin. Heger kesên dikarin bi berhem û projeyan bi me ra bikevin pêşbaziyê hebin, bira kerem bikin û derkevin meydanê."

Serokomar Erdogan diyar kir polîtîkayên Turkiyeyê yên Sûriye û Libyayê ne macera ye û ne jî terciheke kêfî ye û wiha axivî: "Em dibêjin ku wek dewlet û gel em şerekî din yê îstiqlalê didin. Di vî şerî da car caran menfeetên me û yên hêzên din li hev nakin. Em hewl didin ku carna bi serê xwe gav biavêjin û welatê xwe ber bi hedefên rast va bibin. Kapasîte û hêza Turkiyeyê êdî têrê dike ku siyaseteke serbixwe bimeşîne û li qadê vê siyasetê bi cî bîne."

Erdogan got ku îro li Sûriye, Libya, Behra Sipî û bi giştî jî li herêma me heger em xwe ji têkoşînê bidin paş sibê wê wek berdêlên giran derkevin pêşiya me û wiha dewam kir: "Li qadên pirsgirêkê ku derketine pêşiya me em ê paşda gav neavêjin û xebatên ku dane destpêkirin bidomînin û înşellah jî em ê bigihêjin hedefê."

Serokomar Erdogan di berdewamiyê da wiha axivî: "Duh bi Birêz Putîn ra axivîm, bi roj jî bi Macron û Merkelê ra axivîm. Piştî van axaftinan me nexşerêya xwe eşkere kir."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE