Goştê qazan li Mûşê sifreyan dixemilîne

Xwaringehên li bajêr ji bo muşteriyên xwe qoştê qazan çêdikin....

Goştê qazan li Mûşê sifreyan dixemilîne

Li Mûşê goştê qazan sifreyên xwaringehan dixemilîne.

Mûş ji yek wan bajaran e ku li Tirkiyeyê qaz zêde tên xwedîkirin.

Qazên ji zivistanê pê va tên xwedîkirin tên serjêkirin û li xwaringehan tên firotin.

Mazhar Yolcuyê xwedî xwaringehekê ye got di salên dawîn da li Mûşê qaz zêde tên xwedîkirin.

Yolcu wiha got: "Mûş wê bibe navnîşana xwarina goştê qazan. Me dest bi vê çandê kir. Niha em li xwaringeha xwe goştê qazan çêdikin û ew gelek tê firotin. Lewra him bi tahm e û him jî hostayên me xwedî tecrube ne. Li bajêr cara ewil e ku me goştê qazan ê cemidî çêkir."

Aşpêj Mahmut Nergiz jî wiha axivî: "Zihakirina goştê qazan a cemidî 3 rojan dikşîne. Em 8 saetan di nav xoyê da di bin sifirê 4 pileyan da dihêlin. Paşê em paqij dikin, hûr dikin û di qazanan da 3 saetan dikelînin. Em xoyê û filfilê lê direşînin dixin taseke kur û dixin firinê 2 saetan dipêjin. Dema bi têra xwe sor û nerm dibe em ji firinê derdixin û ji bo xwarinê serwîs dikin."

Gokhan Parildarê goştê qazan xwar jî got xwarin pir bi taxm e û divê ev xwarin zêdetir bê nasîn û belav bibe.

Dîroka nûkirinê: 19 Adar 2019, 17:54
Şîrove Bike
NÛÇEYA DI RÊZÊ DE