Hostayê tenekeyan 50 sal e ku şekl û şemalê dide sacan

Westayê 50 salan sacên ku ji dervayê bajêr dikire û tîne li dikana xwe gorî daxwaz û pêwîstiyan bi şekl û şemal dike û ji wan sobe, mengel, lûle û bermîl çêdike. Goz vî karê ku niha didomîne ji bavê xwe û ew jî ji kalê wî û hîn bûne.

Hostayê tenekeyan 50 sal e ku şekl û şemalê dide sacan

 Li Sêrtê Beşîr Gozê 64 salî ku karê ji bav û kalan maye wek nifşa 4emîn didomîne 50 sal e li heman bazarê şekl û şemalê dide sacan.

Goz serê sibehê zû tê Bazara Sifirkeran û deriyê dikana xwe ya qasî 30 metreqere mezina e vedike û digel vî emrê xwe karê xwe didomîne.

Westayê 50 salan sacên ku ji dervayê bajêr dikire û tîne li dikana xwe gorî daxwaz û pêwîstiyan bi şekl û şemal dike û ji wan sobe, mengel, lûle û bermîl çêdike. Goz vî karê ku niha didomîne ji bavê xwe û ew jî ji kalê wî û hîn bûne.

Beşîr Goz daxuyanî da nûçegihanê AAyê û got ku di demên dawîn da eleqeya li ser malên febrîqeyan zêde bû û karê tenekeçîtiyê jî daket û ji ber bikaranîna xaza siruştî jî sobe jî êdî ji bolê radibin û ev kar ber bi tunebûnê va diçe.

Goz destnîşan kir ku 2 kurê wî jî tev heta niha 45 kesan li ber destê xwe hînî vî karî kiriye û xebata wan herî zêde di mehên havînê da ye û lewra amadehiyên zivistanê ji vê heyamê dest pê dikin.

Di berdewamiya axaftina xwe da Goz got ku di demên berê da ev karê niha didomîne karekî gelekî muhîm bû û jê dahateke baş qezenc kiriye û wiha domand: "Zarokên min gotin em ê bixwînin û vî karî nakin lê min hînî du kurên xwe kir. Demên berê zinaet muhim bû û mamosteyê min ê pola yekemînê wê çaxê ji min ra gote heta danê nîvrojê bixwîne û piştî nîvrojê jî here hînî kar bibe. Wê çaxê ev fikir li pêş bû û ev kar nanê pehtî bû. Dema malbata min ji bo min çûn qîzê bixwazin alî xwezûran gotin ku heke karê wî (pîşe/huner) hebe em ê qîzê bibin. Ji ber ku karê min hebû qîz dan min."

Hosta dibêje ku heta emrê wî têrê bike û heya ew li ser xwe be wê karê xwe bidomîne.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE