Ji Meteorolojiyê hişyarî!

Ji bo Erzurum, Erzincan, Ağrı, Iğdır, Ardahan û Karsa bajarên Herêma Rojhilatê Anadoluyê hişyariya qeşa û şepeyê hat dayîn.

Ji Meteorolojiyê hişyarî!

Ji bo Erzurum, Erzincan, Ağrı, Iğdır, Ardahan û Karsa bajarên Herêma Rojhilatê Anadoluyê hişyariya qeşa û şepeyê hat dayîn.

Li gor daxuyaniya ku ji Midûriya Herêma 12emîn a Meteorolojiyê hat dayîn, li herêmê hewa wê ewrayî be, ji danê êvarê pê va li Erzurumê, ji serê sibê û êvarê pê va jî li Erzincan bi navber berf wê bibare.

Li herêmê germa hewayê wê di navbera 2 û 3 pileyan da zêde bibe.

Bi şev germa herî kêm li Agiriyê sifir, li Kars û Erzurumê pileyek, li Iğdır û Ardahanê 2 pile û li Erzincanê 6 pile hat pîvan.

Nav rojê germa hewayê ya herî zêde li Iğdırê 10, li Erzincanê 9, li Erzurum û Ardahanê 5, li Kars û Agiriyê 4 pile tê payîn.

Li herêmê qalindahiya berfê li Agiriyê 41, li Karsê 12, li Erzurumê 6, li navendên kaşûnê qalindahiya berfê li Palandokenê 73, li Sarıkamışê 63 û li Erganê 28 santêm hat pîvan.

Ji ber ku li tevahiya herêmê qeşa, cemed tê payîn û ji ber talûkeya şepeyê rayedarên meteorolojiyê hişyarî da ku welatî baldar û bi tevdîr bibin.

Ji aliyê din va bi taybetî li Erzurum, Erzincan û Ardahanê bagereke xurt tê payîn û ji bo çûyîn û hatin, pûk, firîna baniyan û jehrîketina ji ber sobeyan jî hişyarî hat dayîn.

Li Erzurum, Kars, Tuncelî, Iğdır, Ağrı û Erzincanê ji ber berf û bagerê rêya 840 tax û gundan hat girtin.

Li herêmê ber berf û bager çendeke dewam dike.

Li Erzurumê rêya 464 tax û gundan, li Agiriyê rêya 179 tax û gundan, li Erzincanê rêya 92 tax û gundan, li Tunceliyê rêya 89 tax û gundan, li Iğdırê rêya 14 tax û gundan, li Karsê jî rêya 2 gundan ji ber berf û bagerê hat girtin.

Tîmên şaredariyê, yên Îdareya Taybet a Bajêr û Rêbejayê ji bo rê bên vekirin, dixebitin.

Ji bo vekirina rê gelek dozer, greyder, kepçe û kamyon tên bikaranîn.

Ji ber ku berf û bager car caran zêde dike, xebat bi zehmetî dewam dikin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE