Jinên Diyarbekirî wê penêrê mozzarellayê yê Îtalyayê çêkin

Ji bo çêkirina penêrê Mozzarellayê 48 jin hatin pewrwerdekirin û bi marqeya "Mandrella" va wê penêr çêkin û bi navbeynkariya kooperatîfê bifiroşin.

Jinên Diyarbekirî wê penêrê mozzarellayê yê Îtalyayê çêkin

Jinên Diyarbekirî bi saya perwerdehiya ku hildan va wê ji şîrê gamêşan penêrê mozzarellayê yê Îtalyayê ku bi nav û deng e, çêkin.

Bi pêşîkêşiya Navenda Perwerdehî û Lêkolînên Çandinî ya Navneteweyî ya GAPê (UTAEM) û hevkariya Midûriyeta Çandinî û Daristanê ya Bajêr, Midûriyeta Navenda Perwerdehiya Gel a Yenîşehirê, Yekîtiya Xwediyên Gamêşan a Diyarbekirê û Fakulteya Veterînerê ya Zanîngeha Dîcleyê va bi navê "Jinên Li Gundewarê Penêrê Mozzarellayê Çêdikin" kirin, rewacê.

Bi projeyê va tê xwestin ku bila xwediyên gamêşan ji şîrê wan îstifade bikin û bibin xwedî marqeya xwe.

Di çarçoveya projeyê da 48 jin û qîzên emrê wan di navbera 18 û 45an da bûn him ji hêla teorîk û him jî ji hêla pratîk va hatin perwerdekirin. 

Di encama perwerdehiyê da penêrê ku bê çêkirin wê bi marqeya "Mandarella"yê va û bi navbeynkariya kooperatîfê va bê firotin.

Midûrê UTAEM GAPê Mehdî Sumerlî got ku di çarçoveya projeyê da navçeyên Bismil, Silîvan û Yenîşehirê hene û kesên beşdarî qursa çêkirina penêr bûn him sertîfîkayên xwe hildan û him jî cihê ku wê tê da penêr çêkin hildan. 

Sumerlî got: "Li Diyarbekirê hejmara gamêşan gelek e û armanca me ya sereke ewe ku em penêrê em çêkin di bin kooperatîfê da bi marqeya xwe bifiroşin."

Ji jinên hînî çêkirina penêrê mozzarellayê bûn Ayten Katar, Hatîce Bakar û Bîrgul Bakarê jî gotin ku ew ji xwe bawer in û ji perwerdehiya hildan wê îstifade bikin û penêrê mozzarellayê çêkin. Wan ji kesên di vê xebatê da xwedî kedin ra jî spas kirin.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE