Jîndaya 9 salî di festîvalê de xelat wergirt

Konservatuvara Zanîngeha Çukurovayê îsal li ser înternetê festîval li dar xist

Jîndaya 9 salî di festîvalê de xelat wergirt

Konservatuvara zanîngeha Çukurovayê îsal ji ber şewba koronayê, festîvala pîyanoyê li ser înternetê saz kir. Di beşa “berhema serbest” de keçika gewerî ya 9 salî Jînda Kesîcî xelat girt. Malbat bi keçika xwe serbilind e.

Jînda Kesîcî ji 6 saliya xwe û vir ve piyanoyê lê dide.

Malbata wê xwestiye keçik hînî tembûrê bibe.

Lê wê berê xwe daye piyanoyê, xwe gelekî bi pêş de biriye û ew niha xelatan distîne.

Dayika wê gava Jindayê piyano lê daye vîdeoyek kişandiye û li ser medyaya civakî belav kiriye.

Rêvebirên Konservatuvara Zanîngeha Çukurovayê vîdeo dîtiye û xwestiye Jînda tevlî festîvalê bibe.

Îsal ji ber koronayê 2yemîn Festîvala Navneteweyî ya Piyanoyê Rapsody bi awayekî onlîne hat lidarxistin.

Jîndayê di festîvalê de xelat wergirt.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE