Li 12 bajarên ku Îzmir navend e operasyona terorê: 48 binçavkirî

Di operasyonê da bi îdiaya ku 34 jê endamên MLKPya rêxistina terorê, 8 jê endamên DSÎHa rêxistina terorê, 1 jê endamê TKP/MLya rêxistina terorê û 8 jê endamên PKK/YPGya rêxistina terorê ne, ji 51 gumanbaran 48 gumanbar hatin binçavkirin.

Li 12 bajarên ku Îzmir navend e operasyona terorê: 48 binçavkirî

 Li 12 bajarên ku Îzmir navend e, dijî rêxistinên terorê operasyon hat kirin û ji 51 gumanbarên ku biryara binçavkirina wan hatiye dayîn, 48 kes hatin girtin.

Di çarçoveya lêpirsîna ku Midûriya Şaxa Têkoşîna Terorê û Îstixbaratê dimeşîne da, dijî rêxistinên terorê MLKP, TKP/ML, DSÎH û PKK/YPGyê li 12 bajarên ku Îzmir navend e, di heman demê da operasyon hat kirin.

Di operasyonê da bi îdiaya ku 34 jê endamên MLKPya rêxistina terorê, 8 jê endamên DSÎHa rêxistina terorê, 1 jê endamê TKP/MLya rêxistina terorê û 8 jê endamên PKK/YPGya rêxistina terorê ne, ji 51 gumanbaran 48 gumanbar hatin binçavkirin.

Di nav kesên ku hatine binçavkirin da Hevseroka Giştî ya Partiya Sosyalîst a Bindestan (ESP) Ozlem Gumuştaş, serokên bajarê Îzmirê yên berê Pinar Turk û Kerîm Altinmakas, 2 parêzer, 4 xebatkarên Şaredariya Bajarê Mezin a Îzmirê, yek jê di Midûriya Çandinî û Daristanê ya Navçeya Şemdînliyê da endezyarê ziraetê; mamoste û ji pîşeyên din hene.

Di çarçoveya operasyonê da ji ber ku têkiliya wan bi rêxistina terorê ya MLKPyê ra hatiye tesbîtkirin, li navenda giştî ya ESPyê, avahiya bajarên Îzmir û Stenbolê, buroya navçeya Bayrakliya Îzmirê, buroya bajarê Stenbolê ya Ajansa Nûçeyan a Etkînê (ETHA), buriya bajarê Stenbolê ya Weqfa Lêkolînên Zanist, Perwerde, Estetîk, Çand û Hunerê (BEKSAV) lêgerîn hat kirin û di lêgerînê da gelek materyalên dijîtal, weşanên qedexekirî, dokuman û 50 hezar lireyê ku li gor nirxandinê yên rêxistinê ne, hatin bidestxistin.

Ji aliyê din va seba girtina gumanbarên din xebat dewam dikin.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE