Li Agiriyê dayikek û 2 zarokên wê di lehiyê da xeniqîn

Li Diyadîna navçeya Agiriyê duh di lêhiyê da dayikek û 2 zarokên wê xeniqîn....

Li Agiriyê dayikek û 2 zarokên wê di lehiyê da xeniqîn

 Li Diyadîna navçeya Agiriyê duh di lêhiyê da dayikek û 2 zarokên wê xeniqîn. Hemû navçe niha şîna wan dike.

Ji bo şîna Naîme (48) Polat û zarokên wê Musa (11) û Pinarê (4) li mala wan a taxa Ataturkê teziye tên qebûlkirin.

Harun Polatê mêrê Naîme Polatê û kurê wî Nesîm Polat (18) yên ku li Îzmirê di înşaetê da dixebitîn hatin Diyadînê.

Berîvan (16) û Cesîm Polat (14) ji ber mirina diya xwe û xwîşk û birayên xwe pir xemgîn bûn.

Cesîm Polatê ji ber êş û kesera hatiye serê malbata wan nexweş ket û ew rakirin Nexweşxaneya Dewletê ya Diyadînê.

Otopsiya dayikê û 2 zarokên wê li Saziya Tipê ya Adlî ya Erziromê wê bê kirin û ewê li navçeyê bên definkirin.

Naîme Polat û zarokên wê duh derketibûn eraziyê ku gîha berhev bikin, lê baraneke gur barîbû, lehî çêbûbû. Dayik û zarokên wê di lêhiyê da xeniqîbûn.

Nurullah Yardimciyê (19) li heman herêmê bû jî ji ber lêxistina birûskê mir.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE