Li dijî stresa koronayê muzîk

Him hînî hunerekê dibin him ji stresa şewbê dûr dibin

Xwendekar hema bêjin ev bû salek e naçin dibistanê û ji dûr ve tevlî dersan dibin. Li aliyekî jî qedexe hene û bîna wan gelek teng bûye. Xwendekar ji bo mijûliya xwe pê bînin serî li hin riyan didin. Xwendekarên Kızıltepeya Mardinê jî ji bo ji stresa şewbê xilas bibin û bîna wan hinek firh bibe lêdana amûrên muzîkê hîn dibin.

Hin li tembûrê didin, hin li kemanê hin jî li defê.

Ji ber tevdîrên vîrûsa koronayê xwendekar û mamoste nikarin biçin dibistanê.

Xwendekar ji hevalên xwe dûr in, ji bo ku qedexe jî hene li malê jî aciz dibin û dikevin stresê.

Xwendekarên Qoserî ji bo çareseriya vê hînî lêdana amûrên muzîkê dibin.

Mamsoteyê wan jî Tajdîn Karaca ye û ev gelek sal in perwerdehiya muzîkê dide.

Ciwanên Qoserî dibêjin bi van dersan û muzîkê bîna me fireh dibe. Bangî hemû hevalên xwe dikin ku bi tiştekî wisa re mijûl bibin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE