Li Diyarbekirê dijî PKKya rêxistina terorê operasyon

Li Lice û Hezroya navçeyên Diyarbekirê li 6 gundan derketina derva hat qedexekirin.

Li Diyarbekirê dijî PKKya rêxistina terorê operasyon

Li Lice û Hezroya navçeyên Diyarbekirê di çarçoveya operasyona dijî PKKya rêxistina terorê da li 6 gundan derketina derva hat qedexekirin.

Li gor daxuyaniya ku ji Walîtiyê hat dayîn, rêvebirên rêxistinê yên payebilind jî tê da ji bo berterefkirina terorîstên PKKyî û tevkarên wan ên li deverên çiyayî û daristanê yên Lice û Hezroyê, herwiha ji bo tesbîtkirina stargeh, şikeft, depo û kozikê balafirşikênan û ji bo bidestxistina alavên wan, operasyon wê were kirin.

Li herêma ku operasyon wê lê were kirin, ji bo peydakirina can û malên gel û ji bo ku welatiyên sivîl zirarê nebînin, di çarçoveya bendên qanûnê da li gundên Dolunay, Çavundur, Yalaza, Baglan û Ortaça navçeya Liceyê û li Çîtlîbaxçeya gundê Hezroyê ji îro saet 06.00î pê va heta daxuyaniyeke duyemîn qedexeya derketina derva hat îlankirin.

Di daxuyaniyê da hat gotin ku ji bo can û malên welatiyan divê welatî guh bidin qedexeyê û hat destnîşankirin ku dîroka rabûna qedexeyê wê careke din were eşkerekirin.


AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE