Li Diyarbekir û Mardînê ji ber sînordarkirinê kolan û cihên dîrokî xalî man

Sînordarkirina derketina derva ya ku Wezareta Karên Navxweyî ji bo 30 bajarên mezin û Zonguldakê heta 2 rojan îlan kiribû duh bi şev ket rewacê.

Li Diyarbekir û Mardînê ji ber sînordarkirinê kolan û cihên dîrokî xalî man

Li Diyarbekir û Mardînê piştî ku derketina derva di çarçoveya têkoşînên li hemberî vîrusa koronayê ya bi tîpa nû (Kovîd-19) da hat sînordarkirin kuçe, kolan û cihên dîrokê yên li bajaran ji mirovan xalî man.

Sînordarkirina derketina derva ya ku Wezareta Karên Navxweyî ji bo 30 bajarên mezin û Zonguldakê heta 2 rojan îlan kiribû duh bi şev ket rewacê.

Di nav wan bajaran da Diyarbekir û Mêrdîn jî cih digirin.

Dema li bajarê Diyarbekirê tê mêzekirin tê dîtin ku çar aliyê bajêr ji mirovan xalî ye û welatî ji malên xwe dernakevin.

Li seranserê bajêr ekîbên polêsan kontrolên xwe didomînin, wesayîtên derketine rê û welatiyên li derva didin sekinandin, li nasnameyan mêze dikin.

Navçeya Sûrê ya ku ji bo tûrîstên xwemalî û biyanî navenda ger û geştê bû ji ber sînordarkirinê vikî vala ye.

Li bajêr ji xeynî nexweşxane, firne û dermanfiroşan cihên din girtî ne.

Wek navenda bajêr di rêya navbera Diyarbekir-Şanliurfa û Diyarbekir-Elezîzê da jî wesayît gelekî kêm bûn.

Ekîbên paqijkirinê yên Şaredariya Bajarê Mezin a Diyarbekirê kuçe û kolanên bajêr dezenfekte dikin.

Mardîn

Li Mardîna bajarê dîrokî jî ji ber sînordarkirinê kuçe û kolanên dîrokî vala man.

Kuçe, kolan û meydana ku Medreseya Qasimiyeyê û Çil Dêr jî lê ne ji mirovan xalî bû.

Ekîbên polêsan li navenda bajêr kontrolên xwe didomînin.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE