Li Herêma Mertala Firatê zanîngeh vebû

Di 5 fakûlteyan de 700 xwendekar dixwînin....

Li Herêma Mertala Firatê zanîngeh vebû

Li Ezaza Sûriyeyê bi piştgirîya Tirkiyeyê zanîngeha ewil vebû. niha li zanîngehê 700 xwendekar di 5 fakûlteyên cûda de dixwînin. ciwanên ku bi zanîngehê hêviyên wan geş bûn dibêjin; ji ber cahiliyê welatê me tarûmar bû û em ê bi xwendinê welatê xwe ji şer û tengasiyê xilas bikin.

Artêşa Tirkiyê û hêzên Sûriya Azad 3 sal berê Hêrêma Mertala Feratê ji terorîstên DEAŞê paqij kirin.

Piştî ve operasyonê navçeya Ezazê bû bajarek aram, ewle û mînak.

Ji bo zarok û ciwan nekevin destê rêxistinên terorî Meclîsa Ezazê dibistan û lîse vekirin.

Weqfa Alîkariya Mirovî ya Maf û Azadiyên Însanî jî li Ezazê zanîngeha ewil xist xizmetê.

Li Zanîngeha Şamê ya Navneteweyî 97 jê keçik 700 xwendekarên Ereb, Turkmen û Kurd hene.

Rektor İzzeddin El Qedur: “Xelasiya Sûriyeyê bi perwerdeyê ye. Armanca me em dixwazin ciwanên ku ji ber şer ji xwendinê dûr ketine dîsa vegerin zanîngehê. Ez bawer dikim ku keç û xortên Sûriyeyî wê bi perwerdeyê bibin xwediyê meslegekî.”

Zanîngeh di beşên îktîsad, îlahiyat, endazyarî, perwerde û siyasetzanînê de perwerdeyê dide.

Xwendekar: “Ez li Îdlibê dijîm û ji bo zanîngehê bixwînim hatim Ezazê. Lewra ilm mîna keştîya Hz Nuh e. Kî bixwîne wê xelas bibe, kî jî ji xwendinê dûr bikeve wê tarûmar bibe. Xwendin çeka herî xurt e û mirovan ji tengasiyan xilas dike. Em jî ji bo welatên xwe bi pêşbixin dixwînin.”

Li Zanîngeha Şam a Navteweyî de zimanê perwerdeyê ya sereke Erebî ye, lê belê bi Tirkî û Îngilîzî jî ders tên kirin.

Xwendekar:“Bi vekirina zanîngehê pir hêvîdarbûm. Ez endazyariya kîmyayê dixwînim û dema ez bi serkevim ez dikarim di fabrîqêyên derman û neftê de bixebitim.”

Dîroka nûkirinê: 16 Gulan 2019, 17:52
Şîrove Bike
NÛÇEYA DI RÊZÊ DE