li Hewlêrê goştê qurbanê hat belavkirin

Heyva Sor a Tirkî li kampên penaberan ên li Hewlêrê goştê qurbanê belav kir

li Hewlêrê goştê qurbanê hat belavkirin

Heyva Sor a Tirkî di çarçoveya xebatên Eyda Qurbanê de li kampên penaberan ên li Hewlêrê goştê qurbanê belav kir.

Karmendê Serokatiya Delegasyona Iraqê ya Heyva Sor a Tirkî Ahmet Dagli di daxuyaniya xwe ya ji bo nûçegihanê AAyê de destnîşan kir ku îsal 100 dewar qurban serjê kirine.

Dagli anî ziman ku di roja yekemîn a eydê de ji kampên Behêrka û Herşemê dest bi belavkirina goştê qurbanê kirine.

Dagli tekezî li wê yekê kir ku her 3-4 rojê eydê wê belavkirina goştê qurbanê bidomînin û dê belavkirin li Kerkûk, Mûsil, Tilafer, Xurmatû, Altunkoprî, Duhok û Zaxoyê jî çêbibe.

Dagli îfade kir ku Heyva Sor a Tirkî ew amade ye bê cihêkirina ziman, dîn, nijad, alîkariya mirovî bigihîne hemî kesên muhtac.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE