Li Wan û Bidlîsê rêya 53 gund û taxan hat girtin

Li Wan û Bidlîsê rêya 53 gund û taxan hat girtin

Li Wan û Bidlîsê ji ber rewşa hewayê ya nebaş û berfa zêde dibare rêya 53 tax û gundan hat girtin.

Li gorî daxuyaniya Şaredariya Bajarê Mezin Wanê, li bajêr ji ber berfê rêya 44 gund û taxan hat girtin.

Ekîban ji duh va rêya 180 gund û taxan vekirin û hê jî dixebitin.

Ekîbên şaredariyê berfa li kolan û peyarêyan paqij dikin.

- Hekarî û Bidlîs

Midûrê Xizmetên Rê û Gihandinê yê Îdareya Taybet a Bajêr Umît Kurtkan daxuyand li Bidlîsê rêêya 70 gundan hatiye girtin ku ji wan rêya 61 gundan hatiye vekirin.

Kurtkan daxuyand ji bo rêya 9 gundan jî bê vekirin xebat dewam dikin.

Li Hekariyê rêya 112 cihan hat girtin, lê piştî xebatên ekîbên Îdareya Taybet a Bajêr rê hatin vekirin.

Tîmên şaredariyê û rêbejayê jî li kuçe û kolanan berfê paqij dikin.

- Mûş

Li Bulanixa navçeya Mûşê ji ber sir û sermayê rûyê Bendava Alparslan-1ê hat girtin.

Zeki Onatê li bajaroka Erentepeyê dijî ji rojnamevanan ra daxuyand îsal zivistan gelekî zehmet derbas dibe û wiha dewam kir: "Bi şev germa hewayê di binê sifirê da daket 18 pileyan. Ji ber serma û qeşayê rûyê Bendava Alparslan-1ê ya qasî 3 kîlomêtro ye hat girtin."


AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE