Panela SETA’yê ya li Washingtonê

Li nûnertiya Washîngtonê ya SETA’yê têkiliyên dualî hatin nirxandin…

Panela SETA’yê ya li Washingtonê

Alîkarê Wezîrê Karên Derve û Sefîr Sedat Önal li waşingtona paytextê emerîkayê beşdarî panela seta’yê bû. Sefîr önal got li sûriyê meseleya herî girîng pêkanîna ewlehiyê û parastina statukoyê ye.

Li nûnertiya Waşingtonê ya SETA’yê panelek hat lidarxistin. Di panelê de têkiliyên Tirkiye û Emerîkayê hatin nirxandin.

Alîkarê Wezîrê Karên Derve û Sefîr Sedat Önal jî beşdarî panelê bû. Sefîr Önal di axaftina xwe de li ser têkiliyên Tirkiye û Emerîkayê sekinî û got ji bo pêşeroja herêmê pêvajoyeke girîng dimeşe.

“Niha li herêmê rewşeke nû ya stratejîk derketiye holê. Ji ber vê yekê ewlehî û parastina statukoyê ji her tiştî girîngtir e.”

Önal got divê Emerîka bi baldarî hereket bike.

Alîkarê Wezîrê Karên Derve û Sefîr Sedat Önal: “şirîkên ku emerîkayê di têkoşîna li dijî rêxistina terorî deaş’ê de tercîh kirin di navbera me û emerîkayê de bû sebeba lihevnekirinê. Çimkî hevkarên wê ypg’ya şaxa rêxistina terorî pkk ye. Nexşerêya minbicê, ji bo emerîka têkiliyên xwe yên bi ypg/pyd’ê re biqedîne firsetek e, modeleke nû ye.”

Sefîr Önal got di pêvajoya Astanayê de em bi Îran û Rûsyayê re xebitîn û li herêmê aramiyeke qismî pêk hat. Lê em li ser hin mijaran li hev nakin.

Di panelê de Koordînatorê Giştî yê SETA ‘yê Prof. Dr. Burhanettin Duran jî xeber da û got ji bo Minbicê planeke nû hewce dike.

Koordînatorê Giştî yê SETA ‘yê Prof. Dr. Burhanettin Duran: “Divê Tirkiye û emerîka ji bo minbicê planekê çê kin û vê planê li rojhilatê firatê bidin sepandin. Vekişîna emerîkayê ya ji sûriyê li herêmê pirsgirêkan derdixe. Rewşa penaberan, rewşa aktorên ji derveyê dewletê û pêşeroja rejîma esed. Divê li ser van mijaran bi tirkiyê re bixebite.”

Burhanettin Duran got Emerîka li qadê li gorî hevkariya stratejîk hereket nake.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE