Şelaleya Çirçirê dîmenên rengîn derxist holê

Şelaleya Çirçirê di nav sînorê gundê Uzundereya bajaroka Ilicalarê ya nêzî zozana Deştê ye.

Şelaleya Çirçirê dîmenên rengîn derxist holê

Şelaleya Çirçirê ya ku ji navenda Bîngolê 28 kîlometre dûr e piştî berf heliya bi dîmênên rengîn derdikeve pêş û ji welatiyan eleqeyeke mezin dibîne. 

Şelaleya Çirçirê di nav sînorê gundê Uzundereya bajaroka Ilicalarê ya nêzî zozana Deştê ye. 

Îsal ji ber ku berf jî heliya ava şelaleyê gur bûye û diherike. Ava ku ji nav keviran qasî ji 50 mêtroyê ber bi jêr va diherike dîmênên xweş û balkêş derxistin holê. 

Gelek welatî û mêvanên ji derva tên herêmê ziyaret dikin û bêhna xwe vedidin. 

Ji ziyaretvanan Zulkuf Bagbars got ku ev ciyekî zehf girîng e û divê were nasandin.

Bagbars got ku ew ji nasandina şelale û herêmê li medyaya civakî gelek caran weşanên zindî û parvekirinan dike û wiha axivî:

"Herikîna ava şelaleyê ji serê meha nîsanê bi coşeke mezin dest pê dike û heta dûmahiya meha gulanê dewam dike. Dîmên gelekî xweş derdikevin hole. Şelaleya Çirçirê havînan ziha dibe û zivistanê jî dicemide. Gelek meriv ji bo seyranê tên vê derê. Divê hemû welatî bên van xweşikiyan bibînin."

Dîroka nûkirinê: 10 Gulan 2019, 17:25
Şîrove Bike
NÛÇEYA DI RÊZÊ DE