Serok Erdogan bi ziyareteke surprîz va çû dîtina Mehmetcîkan

Serok Erdogan bi ziyareteke surprîz va çû dîtina Mehmetcîkan

Serokomar Recep Tayyîp Erdogan bi Wezîrê Parastina Neteweyî Hulusî Akar û fermandarên TSKyê va çû ziyareta eskeran û li Fermandariya Tumena Piyedeyê ya 3yemîn bi wan ra fitar xwar.

Erdogan bi Wezîrê Parastina Neteweyî Akar ra hat Fermandariya Tumena Piyedeyê ya 3yemîn a Yuksekovaya Hekariyê ya di operasyonên terorê da serkeftinên mezin bi dest xistiye.

Sererkan Orgeneral Yaşar Guler, Fermandarê Hêzên Bejayiyê Orgeneral Musa Avsever, Fermandarê Hêzên Behrê Oramîral Adnan Ozbal û Fermandarê Hêzên Esmanî Orgeneral Hasan Kuçukakyuz Erdogan pêşwazî kirin û ew derbasî xwaringeha eskeran bûn.

Serokomar silav da eskeran, paşê bi Wezîrê Parastina Neteweyî Akar û fermandarên TSKyê va bi eskeran ra fitara xwe xwarin.

Hat ragihandin ev ziyareta Erdogan surprîz bû û nehatbû plankirin.

Serokê Ragihandinê Fahrettîn Altun û Midûrê Karên Taybet ê Serokomariyê Hasan Dogan jî bi Erdogan ra hatin.

Erdogan der barê xebatên eskeran da agahî hilda û paşê ew bi hev ra çûn ziyareta esnafan.

Li ser Kolana Îpekyoluyê Erdogan pastaxaneyek ziyaret kir û bi welatiyan ra sohbet kir, zarokekî 4 mehî yê bi navê Yagiz Efe hilda hembêza xwe û pê ra şabû.

Piştî ku Erdogan ji pastaxaneyê derket welatiyên li derva eleqeyeke mezin nîşanî wî dan.


AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE