Xirabreşk bi cihanê da nasîn

Şaredariya Şanlıurfayê ji bo 23ê Nîsanê keçika piçûk kir mêvan

Xirabreşk bi cihanê da nasîn

Lara Turana 10 salî tevî ku Xirabreşk nedîtibû jî, resma qada dîrokî çêkir û bi wê resmê beşdarî pêşbaziya navneteweyî bû. Şaredariya Şanlıurfayê bona 23ê nîsanê cejna zarokan keçika biçûk kir mêvan.

Qet Xirabreşk nedîtibû.

Lê bi saya lêkolînên ku kirin resma qada dîrokî çêkir û bi wê resmê tevlî pêşbaziya resman a li Japonyayê bû.

Lara Turana 10 salî bi resma ku çêkir, Xirabreşk bi cihanê da nasîn.

Şaredariya Şanlıurfayê jî ji bo spasiyê keçika piçûk û malbata wê li bajêr kir mêvan.

“Min rewşa Xirabreşkê ya beriya lêkolînên arkeolojîk û piştî wê çêkir. Min di 2 wextên cuda de her du rewşên Xirabreşkê li ser qaxizekê resmandin… Berhem û meseleyên dîrokî gelekî bala min dikşînin. Bona vê min Xirabreşk jî gelek meraq kiribû.”

Gava hate Şanlıurfayê , Lara ewilî li qada dîrokî geriya; li berhemên ku di înternetê dîtibûn temaşe kir.

Keçika piçûk piştî gera li Xirabreşkê, çû şaredariya bajêr.

Kopyayeke resmê xwe diyarî Şaredar Zeynel Abidin Beyazgül kir û li ser meqamê wî rûnişt.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE