Xizmeta bi ambulansên taybet

Li herêma Bitlisê ambûlansên bipalet diçin hawara nexweşan

Xizmeta bi ambulansên taybet

Li Bitlisê îsal gelek berf bariya û gelek rê asê bûn. Ji bo vê yekê jî tîma xelaskirinê ya 112ê bi ambulansa bipalet xwe digihîne hawara kesên nexweş.

Li ser rê nêzî metroyekê berf heye.

Tîmên 112ê û yên îdareya taybet ji bo vekirina rê hewl didin.

Ev dîmen ji gundê Sixurtê yê girêdayî Xelata Bitlisê ne.

Îsal li herêmê gelek berf bariya û riyên gelek gundan asê bûn.

Ji bo vê yekê jî tîmên 112ê bi ambûlansên bipalet ji bo xwe bigihînin nexweşên li gundan hewl û xîreteke mezin didin.

Her wiha li gundê Sixurtê yê Xelatê jî rewşa nexweşê bi navê Fahrettin Selici giran bû û malbatê ji tîmên 112ê alîkarî xwest.

Tîmên 112ê bi ambûlansa bipalet di demeke kurt de xwe gihandin Fahrettin Selici û ew birin Nexweşxaneya Dewletê ya Xelatê.

Hat ragihandin ku niha rewşa Fahrettin Selici baş e.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE