Zarokên li gundan bi "ekîba sporê ya gerok" va xwe pêşva dibin

Zarokên ji gundên xwe dernakevin bi saya ekîba sporê ya gerok di qadên curbecur ên sporê da xebatên xwe dikin.

Zarokên li gundan bi "ekîba sporê ya gerok" va xwe pêşva dibin

Midûriyeta Spor û Ciwaniyê ya Navçeya Dogubeyazitê bo zarokên li gundan ku ji ber şewba Kovîd-19ê niha sporê dûr ketine ekîba sporê ya gerok a ji 14 kesan pêk tê ava kir.

Zarokên ji gundên xwe dernakevin bi saya ekîba sporê ya gerok di qadên curbecur ên sporê da xebatên xwe dikin.

Şewba vîrusa koronayê (Kovîd-19) ya ku li çar aliyê dinyayê bi bandor e û jiyana rojane serobin kir tesîra xwe li gundên dor û berê Dogubeyazita navçeya Agiriyê jî nîşan da û zarokên ji xwe ra dihatin navendên ciwaniyê ji vê yekê mehrûm man.

Midûriyeta Spor û Ciwaniyê ya Navçeya Dogubeyazitê jî li ser vê kêmasiyê projeyek kir rewacê û ji lîderên navendên ciwaniyê antrenor û ciwanên dildar tîmeke sporê ya ji 14 kesan pêk tê û bi navê ekîba sporê ya gerok tê zanîn, ava kir.

Ekîba sporê ya gerok piraniya derfetên navendên ciwaniyê ber bi gundan va birin û amûrên spor kirinê jî li baxçeyên dibistanan ên ji bo sporê guncaw in danîn. Di nav tevdîrên li hemberî Kovîd-19ê hatine hildan da bi rûpêç, lepik û mesafeya civakî ekîb bi zarokan sporê dide kirin.

Ji bo zarokan lîstikên bo hiş û mêjî baş in jî di nav da di qada tenîs, voleybol, basketbol, atletîzm û beşên din da jî perwerdehî tê dayîn û vê heyama têkoşîna li hemberî Kovîd-19ê didome jî ew ji kêf û lîstikên xwe mehrûm namînin.

Ekîba sporê ya gerok a ku rojê li gundekî ye piştî kar û xebatên sportîf diyariyan li zarokên beşdarî lîstikan bûne belav dike.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE